Namastheandhra.com

రాంచరణ్ పెళ్లి కార్డు

dosaipla — Sun, 20 May 2012 07:08:09 +0000

అపోలో వారి అమ్మాయిని మనువాడుతున్న రాంచరణ్ పెళ్లి ఘడియ దగ్గర పడింది. ఇప్పటికే షాపింగ్ లు పూర్తి చేసిన పెద్దలు ఇప్పుడు శుభలేఖల పంపకాలు, పెళ్లి ఏర్పాట్లలో బిజీగా ఉన్నారు. రాం చరణ్ వివాహం కోసం మూడు రకాల పెళ్లి కార్డులు ముద్రించినట్లు తెలుస్తోంది. ఒకటి బంధువుల కోసం, ఇంకోటి వీఐపీలు-రాజకీయ నేతల కోసం, మరోటి మొహమాటానికి పిలవాల్సిన వారికోసం. ఎవరిచ్చే కార్డు ఎలా ఉంటుందో కానీ, తిరుమల కొండమీద బాలాజీకి సమర్పించిన కార్డు ఇది. మరి ఈ స్వామి వారు ఏ వర్గంలో చేరారో!

అసలు సాక్షి ఉద్యోగులెంతమంది?

dosaipla — Sun, 20 May 2012 06:53:49 +0000

వైఎస్సార్ కాంగ్రెస్ పార్టీ అధినేత జగన్ కేసు రాష్ట్రంలో అనేకమంది మెడకు చుట్టుకునేలా కనిపిస్తోంది. ఇప్పటికే అనుంగులు, పారిశ్రామిక వేత్తలో ఆయన గాలంలో చిక్కుకుని విలవిల్లాడుతుండగా… ఈనాడు చేసిన పాపాలు చేయడు అనుకుని తన పత్రికలో చేరిన ఎంతోమంది పాత్రికేయులు ఇప్పుడు తలపట్టుకునే పరిస్థితి వస్తోంది. ఇది సాక్షి పాత్రికేయులనే కాదు, ఇతర పత్రికల్లో పనిచేసే పాత్రికేయులను కూడా ఆందోళనకు గురి చేస్తోంది. వేలమంది ఉద్యోగులు రోడ్డు మీద పడతారని సాక్షి చెప్పడంతో అసలు ఆ లెక్కేంటో తీయమంటూ కోర్టు ఆదేశించింది. దీంతో సీబీఐ ఆ దిశగా దర్యాప్తు చేస్తుంటే అనేక విషయాలు బయటపడుతున్నాయి. కార్మిక శాఖలో సాక్షి ఉద్యోగుల సంఖ్య 2300 గా లెక్కతేలితే, కోర్టులో జగతి అధికారిక పిటిషనులో అది 4457 గా లెక్కతేలింది. దీంతో మొత్తం క్లారిటీ కోసం సీబీఐ ప్రావిడెంట్ ఫండ్ ఆఫీసును సంప్రదించింది. అక్కడ మాత్రం సాక్షి పత్రిక ఉద్యోగులు 14 వేలు, సాక్షి టీవీ ఉద్యోగులు 5 వేలు ఉన్నట్లు తెలుస్తోంది. సాక్షి బహిరంగ నిరసనల్లో మాత్రం ఇరవై వేల మంది రోడ్డున పడతారంటోంది. సో.. ఈ లెక్కెంటే తేల్చడానికి సీబీఐ పూర్తి స్థాయి కసరత్తు చేస్తోంది.

సాక్షి మొత్తం పంతొమ్మిది బ్యాంకు అక్కౌంట్లు, పదమూడు పీఎఫ్ అక్కౌంట్లు ఉన్నాయని తెలుస్తోంది. ప్రస్తుతం పీఎఫ్ కటింగ్ ను బట్టి అసలు ఉద్యోగుల సంఖ్య తేలే అవకాశం ఉంది. సీబీఐ ఆదేశాల మేరకు జగన్ మీడియాకు సంబంధించిన ఖాతాల వివరాలను పిఎఫ్ కార్యాలయం సిద్ధం చేస్తోంది

ఫేస్ బుక్ అధినేత పెళ్లయింది

dosaipla — Sun, 20 May 2012 04:29:30 +0000

ఫేస్ బుక్ సోషల్ నెట్ వర్కింగ్ సైట్ వ్యవస్థాపకుడు మార్క్ జుకర్ బర్గ్(28) పెళ్లయింది. తన స్నేహితురాలు ప్రిస్ సిల్లా చాన్(27)ను శనివారం పెళ్లి చేసుకున్నాడు. కాలిఫోర్నియాలోని జుకర్ బర్గ్ నివాసంలో పెళ్లి జరిగింది. ఈ విషయాన్ని జుకర్ బర్గ్ తన పేస్ బుక్ పేజీలో వెల్లడించారు. ఇందులో పెట్టిన వీరి పెళ్లి ఫోటోను అరగంటలోనే 1,31,000 మంది నెటిజన్లు వీక్షించడం విశేషం. జుకర్ బర్గ్ ముదురు నీలం రంగు సూటు, తెల్ల చొక్కా, టై ధరించగా, చాన్ స్లీవ్ లెస్ లేసెడ్ తెల్లటి పెళ్లి గౌనులో మెరిసింది.

హార్వర్డ్ వర్సిటీలో పరిచయమైన వీరు గత తొమ్మిదేళ్లుగా కలిసుంటున్నారు. ఫేస్ బుక్ ఐపీఓకు వెళ్లిన తర్వాత రోజే జుకర్ బర్గ్ పెళ్లి చేసుకోవడం గమనార్హం. ఇదే వారంలో శాన్ ఫ్రాన్సిస్కోలోని కాలిఫోర్నియా యూనివర్సిటీ నుంచి చాన్ మెడిసిన్ లో గ్రాడ్యయేషన్ పట్టా అందుకున్నారు. చాన్ వైద్య పట్టా అందుకున్న రోజున జుకర్ బర్గ్ తన పేస్ బుక్ పేజీలో ‘నిన్ను చూసి గర్విస్తున్నాను డాక్టర్ చాన్’ అంటూ సందేశం పోస్ట్ చేశారు. మరోవైపు పెళ్లైన వెంటనే ఫేస్ బుక్ లో తమ మ్యారేజ్ స్టేటస్ ను జుకర్ బర్గ్, చాన్ అప్ డేట్ చేశారు.

అవినీతికి అడ్డుపడితే ఉన్న సీటు లాగేశారు

dosaipla — Sun, 20 May 2012 04:20:12 +0000

అవినీతికి అడ్డుపడితే కాస్త ఆలస్యంగానైనా అవమానం తప్పదని మన ప్రభుత్వం నిరూపించింది. ఏసీబీ చీఫ్ భూబతి బాబుకు అసలు ఓ కార్యాలయం, ప్రత్యేక సీటు అనేది లేకుండా చేసింది సర్కారు. ఏసీబీ అదనపు డీజీ శ్రీనివాస్ రెడ్డిని రిలీవ్ చేయకపోవడం, మద్యం కుంభకోణం దర్యాప్తుకు ఆయనే ఉండాలని పట్టుబట్టడం, ఆయన స్థానంలో వచ్చిన అధికారిని చేర్చుకోకుండా అతనిపై అవినీతి ఆరోపణలు ఉన్నాయని చెప్పడమే భూబతిబాబు కొంపముంచింది.

సర్కారు మాటను ధిక్కరించినందుకు భూబతిబాబు పోస్టును అలాగే ఉంచి ఆయనపై మరో చీఫ్ ను నియమించారు. భూబతిబాబుది డీజీ ర్యాంకు, ఏసీబీ చీఫ్ డీజీపీ ర్యాంకు అధికారి ఉండాలి. దాన్ని అడ్డంపెట్టుకున్న ప్రభుత్వం ఆయనను అలాగే ఉంచి ఆయనపై మరో అధికారిని నియమించారు. మద్యం సిండికేట్లపై దాడుల తో భూబతిబాబు సర్కారును, ఎక్సయిజ్ శాఖను ముప్పుతిప్పలు పెట్టారు. తెల్లకార్డుదారులు యజమానులుగా ఉన్న షాపులకు మద్యం సరఫరా నిలిపివేయించి మరో దెబ్బ కొట్టారు. దీంతో ప్రభుత్వం భూబతిబాబుకు చెక్ పెట్టాలని నిశ్చయించుకుంది.

భూబతిబాబు పై అధికారిగా, ఏసీబీ చీఫ్ గా ప్రసాదరావును నియమించింది. దీంతో భూబతిబాబు తన కార్యాలయం ఖాళీచేయాలి. ఆయన అది ఖాళీ చేస్తే ఎంజె మార్కెట్ లోని ఏసీబీ కార్యాలయంలో మరో గది లేకపోవడం గమనార్హం. అవినీతికి అడ్డుపడితే అసలు సీటే పోయింది. ఇదీ మన సర్కారు ఘనత.

సుమన్ కు సన్మానం

dosaipla — Sun, 20 May 2012 04:08:07 +0000

సినీ నటుడు సుమన్‌ను జూన్ 10న నెల్లూరులో సన్మానించనున్నారు.ఇద్దరు కిలాడీలు (1982) చిత్రం ద్వారా తెలుగు చిత్ర పరిశ్రమకు పరిచయమైన సుమన్‌ నటుడిగా మూడు దశాబ్దాలు పూర్తిచేసుకున్నారు. నేటిభారతం, తరంగిణి, దేశంలో దొంగలుపడ్డారు. రాముడుకాదు కృష్ణుడు.. శివాజీ తదితర చిత్రాల్లో చిరస్మరణీయమైన పాత్రలు పోషించారు. ఒక ఆంగ్ల చిత్రంలోకూడా నటించారు.

బావబావమరిది చిత్రం ద్వారా ఉత్తమ నటుడిగా నంది పురస్కారం అందుకున్నారు. అన్నమయ్యలో వెంకటేశ్వరస్వామిగా గుర్తింపు పొందారు. ఆయన కెరీర్‌ను దృష్టిలోపెట్టుకుని హరివిల్లు క్రియేషన్స్‌ సంస్థ నెల్లూరులో ఘనంగా సత్కరించనుంది. జూన్‌ 10న టౌన్‌హాలులో సన్మానవేడుక జరగనుందని సంస్థ ప్రతినిథి డోర్నాల హరిబాబు తెలిపారు.

అన్ని పత్రికలకు జగన్ ఉచ్చు !

dosaipla — Sun, 20 May 2012 04:04:05 +0000

వైఎస్సార్ కాంగ్రెస్ పార్టీ అధినేత జగన్ కేసు రాష్ట్రంలో అనేకమంది మెడకు చుట్టుకునేలా కనిపిస్తోంది. ఇప్పటికే అనుంగులు, పారిశ్రామిక వేత్తలు ఆయన గాలంలో చిక్కుకుని విలవిల్లాడుతుండగా… తన పత్రికలో చేరిన ఎంతోమంది పాత్రికేయులు ఇప్పుడు తలపట్టుకునే పరిస్థితి వస్తోంది. ఇది సాక్షి పాత్రికేయులనే కాదు, ఇతర పత్రికల్లో పనిచేసే పాత్రికేయులను కూడా ఆందోళనకు గురి చేస్తోంది. వేలమంది ఉద్యోగులు రోడ్డు మీద పడతారని సాక్షి చెప్పడంతో అసలు ఆ లెక్కేంటో తీయమంటూ కోర్టు ఆదేశించింది.

దీంతో సీబీఐ ఆ దిశగా దర్యాప్తు చేస్తుంటే అనేక విషయాలు బయటపడుతున్నాయి. కార్మిక శాఖలో సాక్షి ఉద్యోగుల సంఖ్య 2300 గా లెక్కతేలితే, కోర్టులో జగతి అధికారిక పిటిషనులో అది 4457 గా లెక్కతేలింది. దీంతో మొత్తం క్లారిటీ కోసం సీబీఐ ప్రావిడెంట్ ఫండ్ ఆఫీసును సంప్రదించింది. అక్కడ మాత్రం సాక్షి పత్రిక ఉద్యోగులు 14 వేలు, సాక్షి టీవీ ఉద్యోగులు 5 వేలు ఉన్నట్లు తెలుస్తోంది. సాక్షి బహిరంగ నిరసనల్లో మాత్రం ఇరవై వేల మంది రోడ్డున పడతారంటోంది.

సో.. ఈ లెక్కెంటో తేల్చడానికి సీబీఐ పూర్తి స్థాయి కసరత్తు చేస్తోంది. సాక్షి మొత్తం పంతొమ్మిది బ్యాంకు అక్కౌంట్లు, పదమూడు పీఎఫ్ అక్కౌంట్లు ఉన్నాయని తెలుస్తోంది. ప్రస్తుతం పీఎఫ్ కటింగ్ ను బట్టి అసలు ఉద్యోగుల సంఖ్య తేలే అవకాశం ఉంది. సీబీఐ ఆదేశాల మేరకు జగన్ మీడియాకు సంబంధించిన ఖాతాల వివరాలను పిఎఫ్ కార్యాలయం సిద్ధం చేస్తోంది

సన్నీలియోన్ సిగ్గుపడుతోంది!!!

dosaipla — Sat, 19 May 2012 17:22:45 +0000

సన్నీ సిగ్గు వదిలేసి అనేక నీలి చిత్రాల్లో నటించిండొచ్చు కానీ, మగాడు ప్రేమ, కాంక్షతో దగ్గరకు వచ్చినప్పుడు ఏ అమ్మాయి అయినా సిగ్గుపడుతుంది, అలానే సన్నీ లియోన్ కూడా ఇప్పుడు సిగ్గుపడుతున్నట్లుంది. ఈ విషయాన్ని ప్రకటించాడు ఈ ఇండో కెనడియన్ పోర్న్ స్టార్ ను పెద్ద తెరకు పరిచయం చేస్తున్న దర్శక నిర్మాత మహేశ్ భట్. జిస్మ్ కు కొనసాగింపుగా జిస్మ్ -2 గా వస్తున్న ఈ సినిమాలో లవ్ సీన్స్ తీసేటప్పుడు సన్నీ ముడుచుకుపోతోందట. ఒక్కోసారి ఇబ్బందిగా ఫీలవుతోందట. ‘ఆమె చాలా మంది అమ్మాయిల్లాగా సిగ్గును ఆభరణంగా ధరించినదే, అయితే ఆమె పోర్న్ స్టార్ కాబట్టి అలాంటి ఫీలింగ్స్ అన్నీ వదిలేసి ఉంటుంది అను చాలా మంది అనుకొంటుంటారు. అయితే ఆమెతో ప్రేమ సన్నివేశాలు తీసేటప్పుడు సిగ్గుల మొగ్గైపోతోంది. దీంతో దర్శకుడు హీరో కూడా నవ్వుకొంటూ ఆగిపోతున్నారు….’అని మహేశ్ భట్ అంటున్నాడు. 2003లో వచ్చిన జిస్మ్ చేసిన స్కిన్ షోతో బెంగాళీ భామ బిపాశాబసు టాక్ ఆఫ్ ది టౌన్ గా నిలిచింది. ఇప్పుడు అందుకు కొనసాగింపుగా వస్తున్న రోల్ తో సన్నీ అంతకు మించిన గుర్తింపు తెచ్చుకొంటుందని మాత్రం భట్ విశ్వాసం వ్యక్తం చేస్తున్నాడు. ఆమె సిగ్గుపడుతుందడటం సెట్ లో ఉన్న వారందరినీ ఆశ్చరపరుస్తోందని, ప్రత్యేకించి హీరో రణ్ దీప్ హుడాకు ఆమెను డీల్ చేయడం అంత సులభంగా సాధ్యపడటం లేదు భట్ అన్నాడు. మరోవైపు సన్నీకి బాలీవుడ్ లో అవకాశాలు వెల్లువెత్తున్నాయి. ఏక్తాకపూర్ ‘రాగిణి ఎమ్ ఎమ్ ఎస్’ కు కొనసాగింపుగా తీస్తున్న ఒక సినిమాలో కూడా సన్నీ లియోన్ కీలక పాత్ర పోషిస్తోంది. అలాగే ఆమె ఒక కండోమ్ కంపెనీ యాడ్ లో నటించబోతోంది.

మహేశ్ కన్నా సిద్ధార్థకే క్రేజ్ ఎక్కువ!

dosaipla — Sat, 19 May 2012 17:15:16 +0000

హీరో మహేశ్ బాబు, సిద్ధార్థల్లో ఎవరికి ఎక్కువ క్రేజ్ ఉంటుంది అంటే సమాధానంగా వినిపించే ఏకైక పేరు ‘మహేశ్’. అయితే సోషల్ నెట్ వర్కింగ్ మైక్రో బ్లాగింగ్ సైట్ ట్విటర్ లో మాత్రం అంతకు భిన్నమైన ఫలితం కనిపిస్తోంది. హీరోల ఆదరణకు కొలమానంగా మారిన ట్విటర్ పాలోవర్ల విషయంలో మహేశ్ కు అందనంత ఎత్తులో ఉన్నాడు సిద్ధార్థ్.

లవ్ ఫెయిల్యూర్ హిట్ తర్వాత సిద్ధార్థ ఫాలోవర్ల సంఖ్య అమాంతం పెరిగిపోయింది. ప్రస్తుతం అది నాలుగు లక్షల కు చేరుకొంది. దాన్ని అధిగమించి ముందుకు సాగుతోంది. మరోవైపు మమేశ్ ముడు లక్షల నలభై వేల మంది ఫాలోవర్లతో సాగుతున్నాడు. ఇక్కడ సిద్ధార్థకు బాలీవుడ్ , కోలీవుడ్ లలో కూడా ఫాలోయింగ్ ఉంది అనేది గమనించాల్సిన అంశం. అనేక భాషల వారికి పరిచయం ఉన్న సిద్ధార్థ మంచి ట్వీట్స్ కూడా ఇస్తుంటాడు. దాంతో నెటిజన్లు అతడిని అభిమానిస్తున్నారు. మహేశ్ మాత్రం అరుదుగా ట్విటర్ లో అందుబాటులో ఉంటాడు. తన సినిమాల గురించి మాత్రమే ట్వీటుతుంటాడు. మరో తెలుగు హీరో మెగాస్టార్ తనయుడు రామ్ చరణ్ తేజ ఎప్పటికప్పుడు ట్విటర్ అకౌంట్ అప్ డేట్ చేస్తుంటాడు అతడి ఫాలోవర్ల సంఖ్య రెండు లక్షల ఒక వెయ్యి!

త్రిషకు అమల ఎర్త్!

dosaipla — Sat, 19 May 2012 17:06:38 +0000

యువత, ఆంజనేయులు సినిమాల దర్శకుడు పరుశురాం రవితేజతో రూపొందిస్తున్న ‘సారొస్తారా..’లో హీరోయిన్ గా త్రిషను తొలగించారు. ఈ విషయాన్ని స్వయంగా త్రిష ప్రకటించింది. ‘అవును నేను సారొస్తారా సినిమాలో నటించడం లేదు. ఇందుకు అనేక కారణాలు ఉన్నాయి. అయితే త్వరలోనే రవితేజతో కలిసి మరో సినిమాలో నటిస్తాననే నమ్మకం ఉంది’ అని త్రిష తన ట్విటర్ పేజ్ లో పేర్కొంది. త్రిష స్థానంలో ఈ సినిమాలో అమలపాల్ హీరోయిన్ గా చేయబోతోంది. మరి ఇందుకు కారణాలేంటి అని పరిశీలిస్తే…దర్శకుడు పరశురాం ‘ఈ సినిమాలో అమల అయితే ఫ్రెష్ గా ఉంటుందని భావించారట”. దాంతో మొదట అనుకొన్న త్రిషను తప్పించి తన ఫేవరెట్ బ్యూటీని హీరోయిన్ గా నియమించుకొన్నాడు. అశ్వినీదత్ ఈ సినిమాను నిర్మిస్తున్నారు. మరి బిజినెస్ మేన్ హిట్ అయిన సాంగ్ లో మొదటి పదాల్ని టైటిల్ గా ఉపయోగించుకొని రూపొందిస్తున్న ఈ సినిమా ఏ స్థాయి విజయాన్ని సొంతం చేసుకొంటుందో చూడాలి. మరోవైపు రవితేజ దరువు గురించి వార్తలు దాదాపు నిలిచిపోయాయి. ఎప్పుడు ఈ సినిమా రిలీజ్ అవుతుంది అనేది ప్రశ్నార్థకంగా మిగిలిపోయింది.

తెలుగు తెరను ఢీ కొట్టబోతున్నఅజిత్ !

dosaipla — Sat, 19 May 2012 17:02:22 +0000

అజిత్ హీరోగా తమిళంలో రూపొందిన ‘బిల్లా-2′ను తెలుగులో ‘డేవిడ్ బిల్లా’గా తెరపై ప్రదర్శబోతున్నారు. ఈ మేరకు తెలుగు రైట్స్ కొనుక్కొన్నట్టుగా నిర్మాతలు ధ్రువీకరించారు. బిల్లాకథలకు తెలుగులో కూడా మంచి క్రేజ్ ఉంటుందనే నమ్మకంతో భారీ ధరలను చెల్లించి వారు ‘బిల్లా-2′ అనువాద హక్కులు పొందారు. ఒక కార్మిక కుటుంబంలో పుట్టిన బిల్లా డేవిడ్ బిల్లాగా ఎలా రూపాంతంరం చెందాడు అనేదే అ సినిమా కథాంశమని నిర్మాతలు అంటున్నారు. అంటే ఇది బిల్లా-1 జరిగిన కథకు ముందు స్టోరీ అనమాట. దీన్ని సీక్వెల్ అనకూడదని, ప్రీక్వెల్ అనొచ్చని తెలుస్తోంది. ఈ సినిమాలో అజిత్ నేచురల్ లుక్ తో చాలా స్టైలిష్ గా నటించాడని నిర్మాతలు అంటున్నారు. యాక్షన్ సీక్వెన్స్ లు చాలా బాగుంటాయని, మే 26 న ఈ సినిమాను తెలుగులో రిలీజ్ చేసే ప్రయత్నంలో ఉన్నామని వారు తెలిపారు.